فارس اسكندر: ما في حرب أهليّة

توجّه الشاعرفارس اسكندربرسالة للزعماء اللذين لا يهتمون بالمواطنين ولا يكترثون بمطالبهم ويسعون لزرع الفتن، وذلك من خلال قصيدة كتبها بعنوان "قصيدة الثورة اللبنانية"، القاها بمقطع فيديو نشره على قناته الرسمية على يوتيوب.

وتقول القصيدة: "فرّق تسُـد هيدا الأمر معروف
عند الزعيم العاطل النيّـة
بزرع الفتن وبشقشقة الصفوف
وباللعب عا أوتار حزبيّة
وبالطائفية وبالرعب والخوف
بيضمن كرستو تضل دافيّة
بيسفق خطاب من الكذب مصفوف
بيحكيك بِ نبرة ألوهيّة
متل الكأنَك شي طير منتوف
والبلد مش ملكَك إلو هيي
يا رجل حاجي تكذبو عالناس
يا رجل خافو الرب شي شويّة
يا رجل والله هالشعب حساس
طيّب معتّر دمعتو سخيّة
عيب بجريكن بعد ينداس
ويصير ممسحة العبوديّة
أنا مين !!! أنا واحد عدوَّك باس
من دون أجندا سياسيّة
أنا مسلم الشيعي الحضر قدّاس
وخلق بِ مشفى المسيحيّة
أنا طفل حمّة صابتو بالراس والعالجو دكتورة سنيّـة
أنا شب عندو بالشعر إحساس
ولما انغرمت عشقت درزيّة
وبالمدرسة والجامعة أشخاص
كل الطوايف من حواليّي
زيّيِن الشجرة معن بكريسماس
يقولو بعاشورا معي اللطميّة
خدمت العلم مع شي ألف حراس
وبدلة الجيش مدبّغة فيي
بتموز من بيتي عملت متراس
ودمي مُقاوم قبل إيديّي
وصبرت حتى وصلت للإفلاس
وما شبعتو تنصبو عليي
الجوع جمّعنا على الإخلاص
وفجّر الثورة بكل حريّة
وصوت الأدان اليوم دق جراس
ودقت ساعتكن يا حراميي
كتيرر الوطن غالي وانتو رخاص
يعني فشرتو خاف من خيي
هلق الثورة صارت المقياس
وحرب ضد الفاسد المسؤول

ما في شي إسمو حرب أهليّة".